मुंबई : (Nail Polish Side Effect Marathi) जवळजवळ प्रत्येक स्त्रीला सुंदर आणि आकर्षक दिसणे आवडते. सुंदर दिसण्यासाठी महिला मेकअप आणि कपड्यांची विशेष काळजी घेतात. याशिवाय मुलीही हात सुंदर दिसण्यासाठी नेलपॉलिश लावतात. आउटफीट नुसार मॅचींग वेगवेगळ्या रंगांचे नेलपॉलिश बाजारात सहज उपलब्ध आहेत. यामध्ये नामांकीत ब्रांड ते लोकल स्वस्त नेलपॉलीशपर्यंत अनेक पर्याय उपलब्ध आहेत. नेलपॉलीशमुळे सौंदर्यात जरी भर पडत असली तरी ते लावल्याने तुमच्या आरोग्याला किती नुकसान होऊ शकते हे तुम्हाला माहीत आहे का?
नेल पॉलिश धोकादायक
नेलपॉलिशमध्ये फॉर्मल्डिहाइड, टोल्युइन आणि डिप्रोपाइल फॅथलेट (dipropyl phthalate) ही रसायने आढळतात. त्यामुळे त्यांचा दीर्घकाळ वापर केल्याने ऍलर्जी, सूज आणि त्वचेवर लालसरपणा यासारख्या समस्या उद्भवतात. एवढेच नाही तर नेलपॉलिश रिमूव्हर देखील हानिकारक आहे. त्यामुळे त्वचा कोरडी आणि खडबडीत होते तसेच संसर्ग आणि बॅक्टेरियाचा धोका असतो.
नेल पॉलिश लावण्याचे दुष्परिणाम
1. नेलपॉलिशचा सतत वापर केल्याने तुमच्या नखांचा नैसर्गिक रंग खराब होऊ शकतो.
2. नेल नेलपॉलिश सुकविण्यासाठी वापरण्यात येणारे लाईट अतिनील किरण ‘अल्ट्रा व्हॉलेट रेज’ तयार करतात. अतिनील किरणांमुळे त्वचेचा कर्करोग आणि अकाली वृद्धत्वाचा धोका वाढू शकतो. त्यामुळे नेलपॉलीश लावण्याआधी हात आणि बोटांवर सनस्क्रीन लावणे चांगले.
3. रासायनिक उत्पादनांनी नेलपॉलिश काढल्याने तुमचे नखे खडबडीत होऊ शकतात. याव्यतिरिक्त, तुमच्या नखांचा नैसर्गिक रंग देखील खराब होऊ शकतो. नखे फुटल्यास ते जीवाणू तुमच्या शरीरात प्रवेश करू शकतात, ज्यामुळे संसर्ग होतो.
4. नेलपॉलिशमधील रसायने तुमच्या नखांमध्ये घुसून शरीराच्या आरोग्यावर परिणाम करू शकतात.
नखं खराब होतात
बहुतेक मुलींना नेलपॉलिश लावायला आवडते. अशा अनेक मुली आहेत ज्यांना नेल पेंटची इतकी आवड आहे की त्या खूप वापरतात. पण, नेलपॉलिशचा जास्त वापर तुमच्या नखांसाठी खूप हानिकारक असू शकतो. वास्तविक, नेलपॉलिश सतत लावल्याने नखे कमकुवत होतात आणि त्यांची नैसर्गिक चमकही कमी होते.
मज्जासंस्थेचे नुकसान होते
तुम्हाला माहिती आहे का की तुम्ही रोज वापरत असलेल्या नेल पेंटमध्ये टोल्युइन नावाचे रसायन मिसळले जाते. जे आपल्या नखांच्या पेशींद्वारे आपल्या शरीरातील इतर पेशींशी संपर्क साधतात. यानंतर, हे टोल्युइन रसायन मध्यवर्ती मज्जासंस्थेचे नुकसान करते. हे ज्ञात आहे की नेलपॉलिश बनवण्यासाठी स्पिरिटचा वापर केला जातो, ज्याचा आपल्या फुफ्फुसांवर वाईट परिणाम होतो.
नेल पेंट फुफ्फुसासाठी हानिकारक आहे
नेलपॉलिश बनवण्यासाठी स्पिरिटचा वापर केला जातो. नेलपेंटमध्ये वापरले जाणारे हे रसायन आपल्या फुफ्फुसांसाठी अत्यंत हानिकारक आहे. एवढेच नाही तर नेलपेंटमध्ये असलेले रसायन शरीरात गेल्यास न्यूरो, आतडे आणि श्वसनाच्या समस्या उद्भवू शकतात.
कोलोरेक्टल कर्करोगाचा धोका
नेलपॉलिश बनवण्यासाठी अनेक हानिकारक रसायने वापरली जातात ज्यामुळे नखे सुंदर दिसतात. या रसायनांपैकी एक ऍक्रिलेट्सचाही आरोग्यावर विपरीत परिणाम होतो. जर हे रसायन त्वचेच्या संपर्कात आले किंवा श्वासोच्छवासाद्वारे शरीरात गेले तर ते कोलोरेक्टल कर्करोगाचा धोका वाढवते.
नेलपॉलिश हे इतर अनेक समस्यांचे कारण आहे
या सर्वांशिवाय, फॉर्मल्डिहाइड नावाचे रसायन देखील नेल पेंटमध्ये आढळते, ज्याच्या संपर्कात आल्याने मायलॉइड ल्यूकेमियाशी संबंधित समस्या उद्भवू शकतात, म्हणजे अस्थिमज्जा, लाल रक्तपेशी, पांढऱ्या रक्त पेशी आणि प्लेटलेट्सची कमतरता.
श्वसनाचा त्रास होऊ शकतो
नेलपॉलिशमध्ये असलेल्या रसायनांचा श्वसनसंस्थेवर मोठ्या प्रमाणात परिणाम होऊ शकतो. त्यामुळे नेलपॉलिश लावताना आणि काढताना मास्क घालणे आवश्यक आहे. याशिवाय ट्रायफेनाइल फॉस्फेट फुफ्फुसासाठी हानिकारक मानले जाते. यामुळे फुफ्फुसात सूज येण्याची समस्या वाढते, ज्यामुळे तुम्हाला श्वास घेण्यास त्रास होतो. यामुळे तुम्हाला दम्याचाही त्रास होऊ शकतो.
अशा प्रकारचे अपडेट मिळवण्यासाठी व्हाट्स अप चॅनलला जॉइन करा- https://whatsapp.com/channel/0029VadLYkIE50Uaa2sD712s
नेल पॉलिशचे हानिकारक प्रभाव कसे टाळावे
1. नेलपॉलिश जास्त वेळ लावू नका. यासाठी दोन आठवडे पुरेसे आहेत.
2. जेल किंवा पावडर डिप पॉलिश स्वतः फोडू नका किंवा काढू नका. अन्यथा, आपण आपल्या नखांना नुकसान करू शकता. ते काढण्यासाठी फक्त मॅनिक्युरिस्टची भेट घ्या.
3. तुम्ही जर सलूनमध्ये जाऊन नेलपॉलीश लावत असाल तर UV लाईटऐवजी LED क्युरिंग लाइट वापरणाऱ्या सलूनमध्ये जा. LED लाईट देखील नखं लवकर सुकवतात0, त्यामुळे तुमचे हात कमी वेळ प्रकाशात राहतात.
4. नेलपॉलिश फक्त खास प्रसंगीच लावा. नखांना इजा झाल्यास आपल्या नखांची दुरुस्ती करण्यासाठी वेळ लागतो. त्यामुळे नेलपॉलिश जपून लावा.
5. कमी रसायने असलेले ब्रँड वापरून पहा. काही नेल पॉलिश फॉर्मल्डिहाइड आणि इतर कठोर घटकांपासून मुक्त असतात, तुम्ही त्यांचा वापर करू शकता.
6. नेलपॉलिशमध्ये टोल्युइन नावाचा घटक असतो, जो थेट स्तनपान करणाऱ्या महिलांपासून लहान मुलांपर्यंत जाऊ शकतो. याचा भविष्यात मुलाच्या विकासावर परिणाम होऊ शकतो.
Liquor Policy Scam : असा आहे मद्य घोटाळा ज्यामुळे केजरीवाल फसले
